Sabahkı oyuna 55 min bilet satıldı – Biletlər 2, 3, 5 və 10 manata təklif edilir
03 OKTYABR
415

Sabahkı oyuna 55 min bilet satıldı – Biletlər 2, 3, 5 və 10 manata təklif edilir

Avropa Liqasında “Qarabağ” və İngiltərənin “Arsenal” komandaları arasında keçiriləcək II tur matçına satılan biletlərin sayı açıqlanıb.

Turizm.fins.az “Qarabağ” klubunun rəsmi “Facebook” səhifəsinə istinadən bildirilir ki, artıq 55 min bilet satılıb.

Görüşün keçiriləcəyi Bakı Olimpiya Stadionu 70 minədək tamaşaçı tutumuna malikdir. Biletlərin qiymətləri sektorlara uyğun olaraq 2, 3, 5 və 10 manat arasında dəyişir. VIP biletlər isə alıcılara 50 manata təklif olunur.

Biletlərin “qara bazar”a çıxarılmasının qarşısının alınması üçün onları ilkin mərhələdə “Qarabağ” futbol klubunun fan-mağazalarından, Tofiq Bəhramov adına Respublika Stadionunun kassalarından, həmçinin “iticket.az” saytından əldə etmək mümkündür. Biletləri alarkən şəxsiyyət vəsiqəsi təqdim olunmalıdır. Ətraflı məlumatla iticket.az saytından tanış olmaq mümkündür.

Qeyd edək ki, “Qarabağ”-”Arsenal” oyunu oktyabrın 4-də Bakı vaxtı ilə saat 20:55-də keçiriləcək

© Materiallardan istifadə edərkən hiperlinklə istinad olunmalıdır