“Formula 1”: Azərbaycan Qran-prisi üçün bilet satışına endirimlərlə start veriləcək
08 OKTYABR
289

“Formula 1”: Azərbaycan Qran-prisi üçün bilet satışına endirimlərlə start veriləcək

“Formula 1” üzrə 2020-ci il Azərbaycan Qran-prisi üçün bilet satışına endirimlərlə start veriləcək.

Bu barədə Bakı Şəhər Halqası Əməliyyat Şirkətinin Marketinq və Kommunikasiya şöbəsinin rəhbəri Nigar Arpadarai bildirib. O, bilet qiymətləri və endirimlər barədə yaxın günlərdə ətraflı məlumat verəcəklərini söyləyib.

Biletlər oktyabrın sonlarında satışa çıxarılacaq.

Qeyd edək ki, ötən mövsüm biletlər 1 yanvar 2019-cu ilədək 20 faiz endirimlə satışa çıxarılıb. Sırf yerli sakinlərə 25 faiz endirim tətbiq edilib. İlkin endirim kampaniyası dövründə yerli sakinlər üçün 4 günlük biletlərin qiyməti tribunalardan asılı olaraq, 190 - 660 manat, azyaşlılar üçün 130 - 470 manat, ayaqüstü zonalar üçün 80 - 160 manat təşkil edib.

© Materiallardan istifadə edərkən hiperlinklə istinad olunmalıdır