Hotel nömrələrindəki - ƏN ÇİRKLİ 7 ƏŞYA
30 İYUL

Hotel nömrələrindəki - ƏN ÇİRKLİ 7 ƏŞYA

Səyahətə çıxarkən özünüzlə antibakterial salfetlər aparın. Siz həmişə nədənsə şübhələnirdiniz, deyilmi? Hotel nömrələrindəki ideal təmizliyin arxasında nəyin gizlənidiyi yəqin ki, sizə maraqlıdır. Fins.az rus mətbuatına istinadən ən sadə hotel nömrələrində olan ən çirkli əşyaların siyahısını təqdim edir: 

  1. Pultlar

Məsafədən idarəetmə pultları – bağırsaq çöpləri və stafilokokun müxtəlif növləri üçün ideal ev. Bəzən onlar o qədər çirkli olur ki, onlara toxunmaq belə təhlükəlidir. 

  1. Elektrik açarları (işıq yandırıb,söndürən), telefonlar və kranlar 

Onlar da müxtəlif bakteriyalarla qaynayırlar. Bu bakteriyalar insanlarda qaşınma və qıcıqlanmaya səbəb ola bilər. Hər şeyə səbəb keyfiyyətsiz təmizləmədir. Bu əşyaların heç təmizlənməməsini təsəvvür etmək isə ümumiyyətlə dəhşətlidir. 

  1. Fincanlar və stəkanlar 

Belə görünür ki, xadimələr onları sadəcə su ilə yaxalayır və dəsmalla silir. Bəli, heç bir təmizlik vasitəsi olmadan. Bununla barışın. Hətta stəkanların üstünü örtən kağız salfetlər də çox təmiz olmaya bilər. 

Eləcə də bax: Bakı ətrafında piknik zonası açıldı – İLK DƏFƏ - FOTOLAR

  1. Hamam otaqları 

Hotel sakinlərinin çoxu hamam otaqlarında saçlara rast gəlirlər, özü də bu, onların öz saçı olmur. Bundan başqa, təmizlik üçün bəzən çox zərərli kimyəvi vasitələrdən istifadə olunur. Daha sonra bu vasitələr heç tam yuyulmur. Bəzən isə hamamla tualet otağını eyni əski ilə silirlər. 

  1. Çarpayılar

Yoxlanılmış hotellərin təmizlik qrafikinə əsasən, yataq örtüyü və yorğanlar hər 3 aydan bir təmizlənir. Bəli, bəli, hər 3 aydan bir. Şkaflardakı ehtiyat yorğan isə hotelin istifadəyə verilməsindən bəri təmizlənməyə bilər. Bəs sizin üzünüz yastıqla nə qədər vaxt təmasda olur? Bu barədə ümumiyyətlə düşünmək lazım deyil. 

  1. Pərdələr

Onların qüsursuz olması barədə heç düşünməyin. Etiraf edin ki, pərdələri təmiz saxlamaq o qədər də asan deyil. Belə ki, onları çıxarmaq, yuyub, sonra yerinə asmaq lazımdır. Buna görə bəzi hotelçilər onlara ümumiyyətlə dəyməməyə üstünlük verirlər. Uzun müddət təmizlənməyən pərdələr isə bir müddətdən sonra hər cür qurd və hörümçək üçün yuvaya çevrilir. 

  1. Masa üstləri və digər səthlər 

Onlar da hamam otaqları kimidirlər. Xadimələr tələsirlər. Onlara az məvacib ödənilir. Buna görə, xadimələr tələsik bütün səthləri eyni əskiylə silirlər - əvvəlcə hamam otağını, sonra masaları və digər səthləri. Yaxud da əksinə.

© Materiallardan istifadə edərkən hiperlinklə istinad olunmalıdır