Bakıdan Təbrizə və Məşhədə aviareyslər dayandırıldı-AÇIQLAMA
24 OKTYABR

Bakıdan Təbrizə və Məşhədə aviareyslər dayandırıldı-AÇIQLAMA

İranın “Ata Airlines” aviaşirkəti bugündən etibarən Bakı-Təbriz-Bakı və Bakı-Məşhəd-Bakı reyslərinin icrasını 10 gün dayandırıb. Fins.az-ın məlumatına görə, “Ata Airlines”dan bildirilib ki, bu gün aviaşirkətin saat 14:15-ə Bakı-Təbriz (I3 5417 nömrəli) və 14:45-ə olan Bakı-Məşhəd (I3 5434 nömrəli) reyslərinin təxirə salınmasına səbəb texniki problemlərdir:

"Bakıdan saat 14:15-də uçan təyyarə Təbrizə 15:25-də, 14:45-də Məşhədə yola düşən təyyarə isə saat 16:30-da enməli idi. Hazırda şirkətin daxilində texniki problemlər (pasportların qeydiyyata alınması üçün xüsusi proqramda) olduğuna görə bugündən etibarən Bakı-Təbriz-Bakı və Bakı-Məşhəd-Bakı reysləri 10 günlük təxirə salınıb". 

Təxirə salınan reyslərə bilet alan sərnişinlərin pulları tam şəkildə geri qaytarılıb.

Şirkətdən bildiriblər ki, Bakı-Tehran-Bakı istiqamətində isə heç bir problem yoxdur, uçuşlar köhnə qaydada davam edir.

Qeyd edək ki, aviaşirkət hər üç marşrut üzrə uçuşları həftədə iki dəfə (I və IV günlər) "Airbus A320” təyyarələri ilə reallaşdırır. Tehran və Təbriz istiqamətində reyslərə birtərəfli biletin qiyməti 165 manat, ikitərəfli isə 265 manatdan başlayır. Biletin qiymətinə 25 kq baqaj, 5 kq əl yükü və yemək daxildir.

 

 

Mənbə: REPORT

© Materiallardan istifadə edərkən hiperlinklə istinad olunmalıdır