Bu turizm müəssisələrinin sertifikatı ləğv olunacaq
07 NOYABR

Bu turizm müəssisələrinin sertifikatı ləğv olunacaq

Azərbaycanda xidmət keyfiyyəti aşağı düşən turizm müəssisələrinin sertifikatı ləğv olunacaq.

Milli Məclisdən verilən məlumata görə, bu, yeni hazırlanan “Turizm haqqında” qanun layihəsində əks olunub.

Layihəyə görə, turizm infrastrukturu subyektinin xidmət keyfiyyətinin aşağı düşməsi və onun fəaliyyətinin idarəetmə tələblərinə uyğun gəlmədiyi müəyyən olunduqda uyğunluq sertifikatı ləğv olunacaq.

Bununla yanaşı, turizm infrastrukturu subyekti barəsində məlumatlar Dövlət Turizm Reyestrinin aktiv bölməsindən çıxarılacaq.

Qeyd edək ki, uyğunluq sertifikatı istehsal olunmuş məhsulun müvafiq standarta, texniki reqlamenti və digər normativləri hüquqi aktda müəyyən olunmuş tələblərə uyğunluğunu təsdiq edir.

Mənbə: Trend

© Materiallardan istifadə edərkən hiperlinklə istinad olunmalıdır