Tarixi abidələrə turist axını məhdudlaşdırılacaq
14 NOYABR

Tarixi abidələrə turist axını məhdudlaşdırılacaq

Azərbaycanda mədəni, təbii irs siyahısına daxil olan tarixi abidələrə turist axının məhdudlaşdırıla biləcəyi hallar açıqlanıb. 

Fins.az-ın verdiyi xəbərə görə, bu öz əksini yeni hazırlanmış “Turzim haqqında” qanun layihəsində tapıb. 

Yeni qanun layihəsinə görə, xüsusi mühafizə olunan və qorunma rejimi tətbiq olunan tarixi-mədəni turizm obyektlərinə turistlərin axını məhdudlaşdırıla bilər. 

Qanun layihəsinin 27-ci maddəsinin 1-ci bəndinə görə, YUNESKO-nun “Ümumdünya mədəni və təbii irsin qorunması haqqında” Konvensiyasına uyğun olaraq mədəni və təbii irsin siyahısına daxil olan, habelə bu siyahıya daxil olmayan, lakin təkrarolunmaz turizm obyektləri üçün qanunvericiliklə müəyyən olunmuş qaydada xüsusi mühafizə və qorunma rejimi qanunvericiliyə uyğun olaraq nəzarət orqanı tərəfindən müəyyən edilir.

Belə rejim həmin obyektə turistlərin axınının məhdudlaçdırılmasını nəzərdə tutur. Bu hal “İçərişəhər” Tarixi-Memarlıq Qoruğu və “QALA” Dövlət Tarix Etnoqrafiya Qoruğuna şamil olunnmur.

Mənbə: Modern

 

© Materiallardan istifadə edərkən hiperlinklə istinad olunmalıdır