Azərbaycan və Küveyt birbaşa reys açılacaq
16 NOYABR

Azərbaycan və Küveyt birbaşa reys açılacaq

Azərbaycan və Küveyt birbaşa hava əlaqəsinin yaradılması barədə razılığa gəlib. Bu barədə “Azərbaycan Hava Yolları” (AZAL) QSC-nin məlumatında deyilir.

İki ölkə arasında hava əlaqəsi haqqında hökumətlərarası sazişi AZAL-ın prezidenti Cahangir Əsgərov və Küveyt Mülki Aviasiya İdarəsinin baş direktoru Yusif əl-Fuzan (Yousef Al-Fouzan) imzalayıblar.

«Qeyd olunan sazişin imzalanması nəticəsində ölkələr arasında hava əlaqəsinin açılması üçün maneələr aradan qaldırıb. Bu sənəd Azərbaycanla Küveyt arasında ikitərəfli iqtisadi və mədəni əlaqələrin daha da inkişaf etməsinə təkan verəcək», - deyə məlumatda bildirilir.

Hazırda AZAL və yük daşıyıcısı “Silkway Airlines” Küveyt şəhərlərinə birbaşa reyslərin açılması imkanlarını araşdırır. Eyni zamanda, Küveytin "Əl-Cəzirə" aviaşirkəti ölkəmizə birbaşa reyslər açmaq niyyətindədir.

Sazişin imzalanması noyabrın 24-də Küveytdə Azərbaycanın turizm bazarının potensialının təqdimatı ərəfəsində həyata keçirilib.

© Materiallardan istifadə edərkən hiperlinklə istinad olunmalıdır