Magistral yolun kənarında xüsusi istirahət sahələri yaradılır - AZƏRBAYCANDA
31 AVQUST
768

Magistral yolun kənarında xüsusi istirahət sahələri yaradılır - AZƏRBAYCANDA

Azərbaycanda ilk dəfə olaraq magistral yolun kənarında xüsusi istirahət sahələri yaradılır. Bu barədə “Azəravtoyol” ASC-nin mətbuat xidmətinin rəhbəri Anar Nəcəfli məlumat verib. Layihə yeni inşa edilən Ələt-Astara avtomobil yolunda gerçəkləşdirilir:

“Bu addımın atılmasında məqsəd yolun yeni trassa üzrə inşa edilməsi, kənarlarının bağlı olması və yaşayış məntəqələrindən demək olar ki, keçməməsidir”. Layihə üzrə müəyyən məsafələrdən bir bu cür istirahət  sahələrinin yaradılması nəzərdə tutulub:

“Artıq bununla bağlı olaraq yeni yol boyunca xüsusi ərazilər ayrılıb və məlumatverici lövhələr də quraşdırılıb. İstirahət sahələrində parkinq yerləri, yanacaqdoldurma məntəqəsi, kafe, istirahət üçün yerlər, tualet, market və sair iaşə obyektləri yerləşəcək”.

© Materiallardan istifadə edərkən hiperlinklə istinad olunmalıdır