"Qatar Airways" ən böyük endirim kampaniyasına başladı
12 SENTYABR
925

"Qatar Airways" ən böyük endirim kampaniyasına başladı

Ekonom və Biznes sinifdə fantastic endirimlərdən faydalanma şansını qaçırmayın


Qatar Airways “Qlobal Səyahət Festivalı” kampaniyasına start vermişdir.

Bu kampaniya çərçivəsində müştərilər Ekonom və Biznes sinifdə möhtəşəm endirimlərdən faydalanaraq dünyanı kəşf etmə şansı əldə edəcəklər.

12 – 19 Sentyabr 2017 tarixləri müddətində davam edəcək kampaniyada müştərilər 50 faizə qədər endirim ilə yanaşı yoldaş endirimi və qrup endirimləri əldə edəcəklər.

Qatar Airways-in Baş Kommersiya Meneceri cənab Ehab Aminin dediyi kimi: “Daha öncəki Səyahət Endirimləri Festivallarının uğurlarının davamı olaraq bu günə qədər olan ən böyük endirim kampaniyasına başlamaqdan qürur duyuruq. Bu kampaniya çərçivəsində sərnişinlərimi Ekonom və Biznes sinifdə endirimlər və fərqli səyahət paketləri arasından seçim edə biləcəklər.”

Sərnişinlərimiz dünya boyunca məşhur istiqamətlərə ekonom və biznes sinifdə xüsusi qiymətlərlə səyahət edə bilərlər. Ekonom sinifdə bəzi istiqamətlər üçün qiymətlər Guangzhou 779 manat, Boston 1,371 manat Cenevrə 809 manat, Los Angeles 1,102 manat, Manila 1,150 manat təşkil edir. Biznes sinifdə isə Tbilisi 993 manat, Kuala Lumpur 4,157 manat, Bangkok 3,734 manat təşkil edir.

Kampaniyanın bir hissəsi olaraq Qatar Airways Biznes və Birinci sinifdə cüt səyahət edən müştərilərə “yoldaş” endirimi təklif edir. Üç nəfərdən yeddi nəfərədək birlikdə səyahət edən qruplar üçün isə xüsusi endirimlər təklif edilir. Bu inanılmaz təkliflərdən faydalanmaq üçün müştərilər qatarairways.com saytına daxil ola, Qatar Airways satış ofislərinə və ya özlərinə yaxın səyahət agentliklərinə yaxınlaşa bilərlər.

2017 və 2018-ci illərdə Qatar Airways öz səyahət şəbəkəsinə yeni istiqamətlər əlavə edəcəkdir, bu istiqamətlərə Fil Dişi Sahilindən Abidjan, Qanadan Akra, Avstraliyadan Kanberra, Taylanddan Chiang Mai və Utapao, Banqladeşdan Chittagogn və Kenyadan Mombasanı misal çəkmək olar.

Qatarın milli hava daşıyıcı şirkəti Qatar Airways dünyanın ən sürətlə böyüyən hava yolu şirkətlərindən biri olmaqla yanaşı həm də dünyada ən gənc hava donanmasına sahibdir. Hal-hazırda Qatar Airways-in 6 kontinent üzrə biznes və istirahət guşələrinə mütəmadi səfərlər edən 200-dən artıq müasir təyyarəsi var.

Aviaşirkət daha öncələr olduğu kimi, bu il də bir çox fərqlənmə nişanları qazanmışdır, buna misal olaraq “Paris Air Show” - da Skytrax tərəfindən şirkətin 2017-ci ilin Hava Yolu Şirkəti seçilməsini göstərmək olar. Bu qalibiyyət hava yolu şirkətinin eyni nominasiya üzrə sayca dördüncü qalibiyyətidir. Hava Yolu şirkəti eyni tədbirdə bir sıra digər nominasiyalar üzrə də qalib olmuşdur, bunlardan Yaxın Şərqin ən Yaxşı Hava You Şirkəti, Dünyanın ən yaxşı Biznes Sinfi, və Ən yaxşı Birinic Sinif Launge misal göstərmək olar.

 
© Materiallardan istifadə edərkən hiperlinklə istinad olunmalıdır