Ölkəmizə gələn xarici turistlərin sayı açıqlandı – SON RƏQƏMLƏR
12 OKTYABR
173

Ölkəmizə gələn xarici turistlərin sayı açıqlandı – SON RƏQƏMLƏR

"Bu il Azərbaycana 2 milyon 71 min 918 nəfər xarici turist səfər edib". 

Turizm.fins.az xəbər verir ki, bunu mədəniyyət və turizm naziri Əbülfəs Qarayev oktyabrın 11-də Azərbaycan Respublikası Turizm Şurasının iclasında bildirib. 

Onun sözlərinə görə, ötən ilin 9 ayı ilə müqayisədə bu ilin müvafiq dövründə ölkəmizə gələn xarici turistlərin sayı 20,9 faiz artıb:

“Bu müddətdə Azərbaycana  təşkil edib. Bu ilin ilk yeddi ayında xarici turistlərin ölkəmizdə bank əməliyyatları ötən illə müqayisədə 97 faiz artaraq 703 milyon manatdan çox olub. Ümumilikdə isə cari ilin 8 ayında xarici turistlər ölkəmizdə 1 milyard 300 milyon manat vəsait xərcləyib. Yerli turistlərin 8 ayda xarici ölkələrdə xərclədiyi məbləğ isə 1 milyard 200 milyon manat olub. Son bir neçə il ərzində qurulan turizm infrastrukturunun nəticəsidir ki, hazırda bu sahədə 46 min nəfər çalışır. Bura 60 min nəfərdən çox mədəniyyət sahəsində çalışanları da əlavə etsək, ümumilikdə 100 min nəfərdən çox insan turizm sahəsinə xidmət edir".

Nazir deyib ki, yay mövsümündə regionlardakı hotellərdə və mehmanxana tipli obyektlərdə 860 mindən çox yerləşdirmə olub: “Bu ilin 8 ayında isə bu göstərici 1 milyon 294 min nəfərdən artıqdır. Bu istiqamətdə tədbirlər daha da gücləndiriləcək. Biz ölkəmizə gələn xarici turistlərin sayının artırılması, onlara göstərilən xidmətlərlə yanaşı, yerli vətəndaşların da ölkə daxilində mənalı istirahətinin təşkili üçün addımlar atmalıyıq”.

© Materiallardan istifadə edərkən hiperlinklə istinad olunmalıdır