Azərbaycan otelləri 4 ilə hazırlanmış yerli brendi qəbul etmirlər
18 OKTYABR
840

Azərbaycan otelləri 4 ilə hazırlanmış yerli brendi qəbul etmirlər

Biz 4 ilə yaxın bunun üzərində işləyərək Azərbaycan səhər brendini yaratdıq. Hindistanda olduğumuz müddət bir otel tapmadıq ki, orada səhər, günorta və ya axşam Hindistan milli yeməklərindən başqa yemək verilsin. Hindistana gəlmisənsə Hind yeməkləri yeməlisən. Otellərdə vegetarian, qeyri-vegeterian yeməkləri də var idi. Əsasən bu ölkədə yaşayan xalqların milli mətbəxlərinin yeməkləri verilir. Bu sözləri Hindistanda keçirilən sammitdən yeni gəlmiş Azərbaycan Milli Kulinariya Mərkəzinin prezidenti Tahir Əmiraslanov bildirib.

O ölkəmizdə olan otellərin əksəriyyətində milli yeməklərin verilmədiyini bildirdi. 

Azərbaycanda, üzərində işləyərək  səhər yeməyi brendi yaratdıq.  Lakin yerli  otellər onu qəbul etmirlər. Niyə qəbul etmirlər? Yalnız bir neçə otel bunu tətbiq edir. Bunun üstündə fikirləşmək lazımdır. Biz səhər yeməyi brendini ona görə işləyib hazırladıq ki, xalqımızın özünəməxsusluğu qonaqlara təqdim olunsun. Lakin təəssüflər olsun ki, otellər bunu etmirlər. 

Nə üçün Hindistanda küçələrdə gördüyümüz xanımlar milli geyimlərində olmalıdırlar biz də isə xanımlarımız avropa geyimlərində. Niyə bizim qızlarımız evdə küçədə, işdə avropa geyimlərindədirlər. Bunların hamısı bir-biri ilə bağlı səbəblərdir. Nə üçün bizdə toyda küçədə hər yerdə xarici müsiqiləri dinləyirlər?  Bunun kökünə gedib araşdırmaq və xalqa çatdırmaq lazımdır. Mən Hindistanda havalimanında bir dütüfridə heçnəyin üzərində dollarla və ya avro ilə qiymət yazıldığını görmədim. Bütün məhsulların qiyməti rupi ilə göstərilib. Bakıda isə dütüfridə  hər şeyin qiyməti avro ilə yazılıb deyə Tahir Əmiraslanov bildirdi. 

Müəllif: Xeybər Heydərov 

© Materiallardan istifadə edərkən hiperlinklə istinad olunmalıdır