Azərbaycanda qış turizmi mövsümü nə vaxt açılacaq?
27 NOYABR
175

Azərbaycanda qış turizmi mövsümü nə vaxt açılacaq?

Ötən illərdə Azərbaycanda qışı maraqlı və əyləncəli, dostlar, sevimli insanlarla birlikdə yaddaqalan keçirmək istəyən hər kəs bunun üçün əsas iki yerə üz tuturdu. Bu il üçün də həmin yerlər aktuallığını qoruyur.

Azərbaycan Turizm Assosiasiyasının (AZTA) sədri Nahid Bağırov bildirib ki, dünya ölkələrində olduğu kimi, Azərbaycanda da qış sezonu – bütün xizək kompleksləri dekabrın 1-dən xidmətə başlayacaq:

“Ənənəvi olaraq Şahdağ və Qəbələ ərazisindəki Tufandağ turizm kompleksləri aktualdır. Qiymətlər, demək olar ki, eynidir, Qəbələyə yol daha uzaq olduğu üçün nisbətən baha başa gələ bilər”. 

AzTA rəhbəri bildirib ki, turizm imkanlarından daha geniş istifadə etmək plandadır:

“Ölkə potensialından istifadə edib daha çox turist cəlb etmək, turistlərin ölkədə qalma müddətini uzatmaq arzuolunandır. Yeni sahibkarların turizm sahəsinə investisiya yatırmağa marağı var. Yaxın gələcəkdə dəyişikliklərin hiss olunacağına ümidvaram”.

©Oxu.az

© Materiallardan istifadə edərkən hiperlinklə istinad olunmalıdır