Azərbaycanlılar xaricdə bu il 1,3 milyard dollar xərcləyiblər
17 DEKABR 2018
185

Azərbaycanlılar xaricdə bu il 1,3 milyard dollar xərcləyiblər

2018-ci ilin yanvar-sentyabr aylarında qarşılıqlı turizm xidmәtlәrinin dövriyyәsi ötən ilin müvafiq dövrü ilə müqayisədə 6,4% artaraq 4,6 mlrd. dollar tәşkil edib. 

Azərbaycan Mərkəzi Bankının 2018-ci ilin yanvar-sentyabr ayları üçün tədiyyə balansında bildirilir ki, bu ilin ilk 9 ayında turizm xidmәtlәri üzrә profisit ötən ilin müvafiq dövrü ilə müqayisədə 11,8% artaraq 370,3 mln. dollar (2017-ci ilin müvafiq dövründә 331,2 mln. dollar) tәşkil edir (2018-ci ilin yanvar-sentyabr ayları әrzindә Azәrbaycana gәlәn xarici vәtәndaşların sayı 6% artıb).

Öz növbәsindә xarici ölkәlәr tәrәfindәn Azәrbaycan rezidentlәrinә turizmlә bağlı göstәrilәn xidmәtlәrin dәyәri 1,3 mlrd. dollar mәblәğindә olub. Bunun 79%-i Azәrbaycan vәtәndaşlarının şәxsi sәfәrlәri ilә bağlı xarici ölkәlәrdә olarkәn sәrf etdiklәri vәsaitlәrin (mәkik idxal üçün vәsaitlәr istisna olmaqla) payına düşür. 

©Report

© Materiallardan istifadə edərkən hiperlinklə istinad olunmalıdır