Heydər Əliyev Beynəlxalq Hava Limanı ən yaxşı aeroport seçildi
25 APREL
656

Heydər Əliyev Beynəlxalq Hava Limanı ən yaxşı aeroport seçildi

Moskvada IV Beynəlxalq SKYSERVICE 2019 Forumu çərçivəsində nüfuzlu “Sky Travel Awards 2019” mükafatının təqdimetmə mərasimi keçirilmişdir. 

Heydər Əliyev Beynəlxalq Hava Limanısəyahətçi-bloqerlərin versiyası üzrə10 milyondan az sərnişin axını ilə ən yaxşı aeroportseçilmişdir.

Bloqerlər bir neçə ay ərzində 10 aeroport, 6 biznes zal və 30 aeroport otellərini xidmət və komfort səviyyəsinə görə qiymətləndirmişdirlər.

Bu il ekspert-bloqerlər İliya Voskresenski (@elivosk), Anton Sokolov (@tonych_inc) və Anastasiya Fedotova (@nastyaafed) olmuşdur.

Bloqerlərin hər biri 10 şəhəri ziyarət etmişdir: Moskva, Sankt-Peterburq, Soçi, Yekaterinburq (Rusiya), Bakı (Azərbaycan), Nur-Sultan (əvvəlki Astana, Qazaxıstan), Tbilisi (Gürcüstan), Sofiya (Bolqarıstan), Buxarest (Rumıniya) və Vyana (Avstriya). 

Bloqerlər təkcə komfort və xidmət səviyyəsini deyil, heç bir mükafatın qiymətləndirmədiyi digər aspektləri: əməkdaşların təbəssümü, oturacaqların rahatlığı, yemək seçiminin olması və s. qiymətləndirmişdirlər.

Bu, Heydər Əliyev Beynəlxalq Hava Limanının bu il ərzindəki artıq ikinci mükafatıdır. Mart ayında paytaxt Bakının hava limanı Britaniya konsaltinq şirkəti “Skytrax”ın versiyası üzrə MDB ölkələrinin bütün hava limanları arasında ən yaxşı aeroport seçilmişdir.

© Materiallardan istifadə edərkən hiperlinklə istinad olunmalıdır