"Nordavia" Peterburq-Bakı aviareysini qışda da icra edəcək
08 OKTYABR
250

"Nordavia" Peterburq-Bakı aviareysini qışda da icra edəcək

Rusiyanın "Nordavia" şirkəti Sankt-Peterburq–Bakı aviareysini qış mövsümü (2019-cu ilin oktyabrın 27-dən 2020-ci ilin martın 28-dək) cədvəlinə daxil edib. 

Aviaşirkətdən verilən məlumata görə, "Nordavia"nın sərnişinləri cari ilin iyulun 25-dən etibarən açılan Sankt-Peterburq-Bakı aviareysindən ilk dəfə olaraq qışda da yararlana biləcəklər. 

Uçuşlar hər həftənin IV və VI günləri yerinə yetiriləcək. Sözügedən marşrut üzrə artıq biletlərin satışına başlanılıb. 

Qeyd edək ki, hazırda Bakı–Sankt-Peterburq aviareysi üzrə uçuşları həftənin III və VII günləri "Azərbaycan Hava Yolları" (AZAL) və V günləri "Buta Airways" şirkətləri yerinə yetirirlər.

© Materiallardan istifadə edərkən hiperlinklə istinad olunmalıdır